एजेन्सी । च्याम्पियन्स लिग फुटबल अन्तर्गतको अन्तिम १६ को पहिलो लेगमा आज चेल्सीले एट्लेटिको मड्रिडसँग प्रतिस्पर्धा गर्दैछ ।
प्रिमियर लिग क्लब चेल्सीले स्पेनिस क्लब एट्लेटिकोसँग रोमानियाको नेसनल एरिनामा नेपाली समय अनुसार राति पौने २ बजे पछि प्रतिस्पर्धा गर्नेछ । दुवै टोली आज जित निकाल्ने लक्ष्यसहित मैदान उत्रनेछन् । दुवै टोली पहिलो लेगमा जित निकाल्दै क्वाटरफाइनलमा पुग्ने सम्भावना बलियो बनाउने योजनामा छन् ।
एट्लेटिको मड्रिड लगातार सातौं सिजन च्याम्पियन्स लिगको नकआउट चरणमा पुगेको हो । चेल्सी भने २०१३÷०१४ को सिजनपछि पहिलो पटक नकआउट चरणमा पुगेको हो ।
यस्तै लिग अन्तर्गत नै राति पौने २ बजे जर्मन क्लब बायर्न म्युनिखले इटालियन क्लब लाजियोसँग प्रतिस्पर्धा गर्दैछ । घरेलु टिमविरुद्ध मैदान उत्रदा बायर्न सहज जितको खोजीमा हुनेछ । बायर्न पहिलो लेगमा जित निकाल्दै क्वाटरफाइनलमा पुग्ने सम्भावना बलियो बनाउन चाहन्छ ।
तर, घरेलु टोलीविरुद्ध बायर्नलाई जित निकाल्न कठिन भने हुनेछ । लाजियो पनि घरेलु मैदानमा जित निकाल्दै क्वाटरफाइनल नजिक पुग्ने लक्ष्यमा छ ।
आफ्नो प्रतिकृया दिनुहोस्