प्रतिगमनविरुद्ध पुनः शान्तिपूर्ण युद्धमा छौँः अध्यक्ष दाहाल

काठमाडौं ।

नेपाल कम्युनिष्ट पार्टी नेकपाकमो आन्दोलनरत पक्षका अध्यक्ष पुष्पकमल दाहालले प्रतिगमनविरुद्ध आफूहरु फेरि एकपटक युद्धमा होमिएको बताउनु भएको छ ।

राजधानीमा आयोजित ‘जनयुद्धको हस्ताक्षर’ नामक पुस्तकको विमोचन गर्दै उहाँले प्रतिगमनविरुद्ध आफुहरु शान्तिपूर्ण युद्धमा रहेको बताउनु भएको हो ।

वर्तमान सरकारले जनयुद्ध, जनआन्दोलन लगायतका विभिन्न आन्दोलनबाट प्राप्त उपलब्धिको अपहरण गरेको उहाँको भनाई छ ।

अहिलेको शान्तिपूर्ण युद्ध आफुहरुले जसरी पनि जित्नुपर्ने जिम्मेवारी रहेको भन्दै उहाँले सर्वाेच्च अदालतले सही फैसला गर्नेमा पूर्ण विश्वास रहेको बताउनुभयो ।

नेकपा विभाजन गर्ने ठूलो षड्यन्त्र भइरहेको दाबी गर्दै अध्यक्ष दाहालले आफूहरु एकताबद्ध भएर पार्टीलाई जोगाउन लागेको बताउनुभयो ।

प्रधानमन्त्री केपी ओलीले लोकतन्त्र र संविधानमात्रै होइन, पार्टीलाईनै समाप्त पार्ने काम गरेको उहाँको आरोप छ ।

अध्यक्ष दाहालले प्रधानमन्त्री ओलीले फुट र विसर्जनको बाटो रोजेर राजनीतिक मुद्दा हारिसकेको दाबी गर्नुभयो ।

https://www.facebook.com/prachanda.nepal/videos/2855031138054236