काठमाडौं असोज २३ ।
सरकार र २६ दिनदेखि अनशनसत डा.गोविन्द केसीको वार्ता टोली सहमति नजिक पुगेको छ ।
शिक्षा सचिव गोपी मैनाली र डा. जीवन क्षेत्री नेतृत्वको दुई टोलीबीच हिजो लगातर तीन पटक छलफल भएको थियो । वार्ताका क्रममा डा केसीले अघि सारेका ६ बुँदे मागमा सहमति खोज्ने प्रयास भएको छ ।
छलफलमा आएका कुराहरुलाई दुबै टोलीले आफू सम्बद्ध पक्षमा परामर्श गरेपछि आज सहमति गर्ने तयारी छ । डा क्षेत्री नेतृत्वको वार्ता टोलीले डा केसीलाई भेटेर सरकारी पक्षसँग भएको छलफलबारे ब्रिफिङ गरिसकेको छ । सरकारी टोलीले पनि आज प्रधानमन्त्री के पी शर्मा ओलीसँग परामर्श गरेपछि थप वार्ता गरेर आजै केसीको अनसन तोडाउने तयारी छ । आज बिहान फेरी वार्ता हुँदैछ । केसीले ६ बुँदे माग राखेर भदौ २९ मा केसीले जुम्लाको चन्दननाथमा रहेको बाबिरा मन्दिरमा १९ औं सत्याग्रह सुरु गर्नुभएको थियो ।
यसैबीच नेपाल चिकित्सक संघले डा गोविन्द केसीको समर्थनमा आज तय गरिएको स्वास्थ्य सेवा बहिस्कारको निर्णय स्थगित गरेको छ ।
संघले विज्ञप्ति जारी गर्दै सरकारी र डा केसीका प्रतिनिधिबीच वार्ता सकारात्मक रुपमा अघि बढिरहेको र कोभिड १९ को महामारीलाई ध्यानमा राख्दै २३ गते घोषित आकस्मिक र कोभिड–१९ का सेवाबाहेकका स्वास्थ्य सेवा बहिस्कारको निर्णय स्थगित गरिएको जनाएको हो । २६ दिनदेखि अनशनरत डा. गोविन्द केसीको जीवन ररक्षाका लागि संघले असोज २२ गतेदेखि विभिन्न विरोधका कार्यक्रम घोषणा गरेको थियो ।
आफ्नो प्रतिकृया दिनुहोस्