सुनको मुल्य फेरी बढ्यो

काठमाडौं असोज ९ ।

सुनको मुल्य आज तोलामा ८ सय रुपैयाँ बढेको छ ।

मुल्य बढेर सुन आज तोलाको ९३ हजार ९ सय रुपैयाँ निर्धारण गरिएको नेपाल सुनचाँदी व्यवसायी महासङ्घले जनाएको छ । हिजो तोलामा एक हजार २ सय रुपैयाँ घटेर सुनको मुल्य तोलाको ९३ हजार १ सय रुपैयाँ थियो ।

हप्ताको पहिलो दिन आइतबार तोलाको ९७ हजार रुपैयाँमा कारोबार भएको सुनको मुल्य सोमबार दुई सय रुपैयाँ बढ्यो । तर मंगलबार तोलामा एक हजार ७ सय रुपैयाँ घटेर सुनको मुल्य तोलाको ९५ हजार ५ सय रुपैयाँमा झर्यो ।

त्यही मुल्यमा बुधबार र बिहीबार तोलामा एक हजार २ सय, एक हजार २ सय रुपैयाँ घटेको सुनको मुल्य आज भने फेरि बढेको हो । अन्तर्राष्ट्रिय बजारमा नाफा सुरक्षित गर्नको लागि सुन बिक्रीमा आएपछि मुल्य घट्दै गएको महासङ्घ अन्तर्गतको मुल्य निर्धारण समितिका संयोजक तेजरत्न शाक्यले बताउनुभयो । यस्तै चाँदी आज तोलामा ४० रुपैयाँ बढेको छ । चाँदी आज तोलाको एक हजार १ सय ६० रुपैयाँ पुगेको छ ।