चीनविरुद्ध जस्तो कदम उठाउन पनि भारत तयार : रक्षामन्त्री राजनाथ सिंह

एजेन्सी । भारतीय रक्षामन्त्री राजनाथ सिंहले भारत चीनविरुद्ध जति ठूलो कदम उठाउनु परे पनि पछि नहट्ने बताएका छन् ।

भारतको राज्यसभामा बोल्दै राजनाथ सिंहले पूर्वी लद्दाखको सीमाक्षेत्रमा जारी तनावको विषयमा आफ्नो धारणा राख्दै भारत चीनविरुद्ध जस्तो कदम उठाउन परे पनि पछि नहट्ने बताएका हुन् ।

सिंहले भारतले आफ्नो शिर पनि नझुकाउने र कसैले शिर झुकाओस् भन्ने चाहाना पनि नराख्ने बताएका छन् । उनले आफ्ना सैनिकहरुको मनोबल उच्च रहेको बताउदै भारतीय सेना कुनै पनि कदम चाल्नका लागि तयार रहेको बताएका छन् ।

लद्दाखमा भारतले चुनौतीको सामना गरिरहेको उनको भनाई छ । सिंहले द्विपक्षीय सम्बन्ध विकास गर्दै वार्ताको माध्यमबाट सीमाको विवाद समाधान गर्न सकिने बताएका छन् । सीमा विवाद पूर्णरुपमा समाधान नहुँदासम्म कडाइका साथमा एलओसीको सम्मान र पालना गर्ने उनको भनाइ छ ।

सिंहले सदनमा बोल्दै चीनको भनाइ र गराइमा अन्तर रहेको आरोप लगाएका छन् । उनले सीमाको सम्बन्धमा दुई मुलुकबीच भएको सम्झौताको पालना चीनले नगरेको आरोप लगाएका हुन् । यसअघि चीनले भारतलाई आफ्नो गल्ती सुधार्दै चिनियाँ सेनामाथि जाइ लाग्न बन्द गर्न आग्रह गरेको थियो